18 urteko mendizale batek istripua izan du gaur arratsaldean Anboto mendian. Ertzaintzak azaldu duenez, 16:30 jaso dute abisua. Gaztea 30 metroko altuera batetik erori da. Larrialdi zerbitzuak berehala bertaratu dira eta Ertzaintzak helikopteroz erreskatatu du. Osakidetzako helikopteroa Atxondoko Arrazola auzoan zain zuen Gurutzetako ospitalera eramateko.
Ertzaintzak gaineratu duenez, istripua izan duen mendizalea bihotz-biriketako geldialdian sartu da eta UVRko erreskatatzaileek bihotz-biriketako bizkortzea egin diote.