Ertzaintza Axpeko aterpetxera agindu judizial batekin joan zela eta, Atxondoko EH Bilduk oharra kaleratu du. Koalizio subiranistak “gogor” gaitzetsi du atzokoa. EAJri Harreraren aurkako “bide oztopatzaileak” erabiltzea egotzi diote, Ertzaintzaren identifikazioak eta “ildo judiziala” direla eta. EH Bilduk Harreraren proiektua “desagerrarazi” gura izatea leporatu dio EAJri.
Hori dela eta, koalizio subiranistak “bide judiziala” baztertzea, “salaketa” urgentziaz kentzea, eta auziaren “konponbiderako mahai bat antolatzea” exijitu dio gobernu taldeari. EH Bilduk elkartasuna adierazi die Harrerako kideei eta bertan bizi diren migratzaileei.