Alkate dekretua onartu eta 15 egunera kamioiek Atxondoko herrigunetik igarotzen jarraitzen dutela salatu du herritar talde batek

Anboto 2022ko api. 20a, 10:00

Herritar talde batek salatu du Atxondoko Udalak "ez duela bete"  herrigunetik kamioien pasoa erregulatzeko alkate dekretua eta horregatik seinaleak eta dekretuaren panel informatiboak jarri ditu Apatako herri gunean.

Apirilaren 5ean, Udal plenoan, Martxoak 30ko datagaz, alkate dekretu bat onartu zen AHTko kamioiak herri gunetik ateratzeko. "Hamobost egun pasatu dira eta kamioiak berdin jarraitzen dute Apatako kale eta eskolatik igarotzen", azaldu du herritar talde batek ohar batean. Udalaren "utzikeria" salatu dute eta pausoak emoten hasi dira: seinalizazioak jarri dituzte herrigunean eta dekretoa buzoneatu dute herritarrak informatzeko helburuz.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!