Atxondoko ikasleak bertako ekoizleen baserrietara joango dira, lana zuzenean ezagutzera

Atxondoko ikasleak bertako ekoizleen baserrietara joango dira, lana zuzenean ezagutzera

Elikaduraren inguruko hezkuntza ildo bat garatzen dute Atxondoko eskolan, eta beste pauso bat emango dute aurten, ekoizleen baserrietara joanda. Duela hiru urte hasi ziren ildoan murgiltzen, eskolan bertan ortua ipinita. Jantokietan bertako eta sasoiko produktuak kozinatzearen alde diharduen Berton Bertokoako kide ere badira.

Baserrietarako bisitetan, adibidez, jogurtak egiteko beharrezkoa den esnea zein behik ematen duen, eta horiek egiteko prozesua lehen eskutik ezagutuko dute ikasleek. Ekoizleekin hartuemana hasia dute eskolan; familiei banatzeko, Mallabiko Estakuatik jogurtak ekartzen dituzte, eta Abadiñoko Sasipeko Uztak etxetik ogiak. 

Bestalde, ortuan lan egiteko formazioa ere jasotzen dute eskolan. Esaterako, urtero Jakoba Errekondo etortzen da hitzaldia ematera. Aurten, gainera, ENEEKera bisita egin dute ortuko PHa aztertzeko eta hobetzen saiatzeko.

Erlazionatuak

Atxondoko eskolako familiak eskualdeko ekoizleen produktuak dastatzen dabiltza Berton Bertokoari esker

Atxondo

Ikasturte berriagaz batera, Atxondoko Ikasleen Guraso Elkarteak eta Berton Bertokoa dinamikako kideek beste ekimen bat jarri dute martxan herrian. ...
“Sukaldea egonda, egoera oso desberdina izaten da; umeen jarrera aldatu egiten da jatekoaren aurrean”

Durangaldea

Euren umeek eskolan jaten dutenagatik kezkatuta dauden gurasoak dira. Bertako eta sasoiko produktuekin elikatzea gura dute, eta eskolako sukaldean ...