Guztira 32 bat laguntzaile batu dituzte monitore eta sukaldari lanetarako. Astero txandakatzen joango dira. Atxondo, Mañaria, Durango, Berriz, Iurreta eta Abadiñoko Udalen eta Durangaldeko Amankomunazgoaren laguntza ere jaso dute, besteak beste, iaz hasi zuten proiektuari aurten jarraipena emateko.
Uztailaren 1ean etorri ziren eta aste hau Atxondon eman dute; Apatako igerilekura edo Axpeko pilotalekura joan dira, esaterako. Asteburu honetatik aurrera Atxondotik kanporako irteerak hasiko dituzte. Asteburuan Bermeora joango dira itsasuntzian ibiltzera. Datorren astean Donostiara eta Getxorako irteerak dituzte.
