Domeka eguerdia eta arratsaldea Atxondon emango dituzue.
Guztira, 220 bat arrazolatar batuko gara bertan. Lehenengo, herrian osteratxo bat egingo dugu, herria ezagutzeko. Alkateak Axpeko frontoia eskaini digu, bertan balkaltzeko. Bazkalostean musika, dantzak eta zozketak izango dira. Ilusioz joango gara, eta ea dena ondo irteten den.
Aurreko egun bietan Oñatin eta bere inguruetan ibiliko zarete. Zer prestatu duzue?
Zapatu goizean abizenari buruzko hitzaldiak eta abar antolatuko ditugu (www.arrazola.org webgunean aurkitu daiteke egitaraua) unibertsitatean. Arrazola abizenari buruz urteetan zehar batu dugun informazioa jasotzeko aukera egongo da: Nondik datorren, arrazolatar batzuen historia… Ondoren, arratsaldean Oñati herria bisitatzeko asmoa dugu, eta domeka goizean, Arrazolara bazkaltzera joan aurretik, Olabarrieta auzotik zehar ibiliko gara arrazolatar asko daudelako inguru hartan.
220 lagun batuko direla diozu. Jatorri askotakoak?
Bai, bai. Azken batean, arrazolatar gutxien Euskal Herrian bertan dago. Arrazolatarren %5 baino ez da bizi Euskal Herrian, gutxi gorabehera. Arrazolan bertan ez dut uste abizen horretako asko bizi direnik. Mexikon, esaterako, 5.000 bat lagunek dute abizen hori. Guadalajarako Checa herrian, berriz, %35ek du abizen hori. Abizenik ohikoena da.
Eta munduko arrazolatarrekin hartuemanetan jartzen zaretenean, zer harrera jasotzen duzue?
Oro har, hemengoak zein atzerrikoak, denak oso harro sentitzen dira beren sustraiak ezagututa. Gustura hartzen duten informazioa da, eta esker oneko agertzen dira.
|
Juan Carlos Arrazola (Elorrio)
Orain urte bi Checa herrian egindako lehenengo topaketara ezin izan zen joan, baina aurtengoan ez du hutsik egingo. Aurrekoan ezin izan zinen arrazolatarren topaketara joan arrazolatarren bazkari bategatik. Oraingoan joango zara. |
|
Belen Arrazola (Durango)
Arrazolatarren genealogia beti interesatu izan zaio eta, besteak beste, horri buruz gehiago jakiteko baliatuko du topaketa. Zure lehen topaketa da? Zer espero duzu topeketatik? |
