“Lanak hasi zirenetik arazoak eta irregulartasunak” izan dira Atxondon, gobernu taldeak dioenez: “Lur-jabeen kexak, ganadu jabeenak, auzotarrenak, baso bideen erabiltzaileenak, udal-azpiegiturei eta ingurumenari egindako kalteei buruzkoak...”. Obra honen gaineko informazio eske Bizkaiko Foru Aldundira jo duenetan ez duela “ganorazko erantzunik jaso” salatu du Atxondoko Udalak. Duela hiru urte obra honen desjabetzeen prozesua abiatu zutenetik duela gutxira arte, udalaren lursailak hartzeagatik ordaindu beharrekoa ez dutela jaso ere kritikatu dute: “Aldundiak eta eraikuntza enpresak ia ordaindu barik hartu nahi zituzten udal jabetzako lurrak”.
Eskaria luzatu dio Atxondoko Udalak Herri Lan eta Garraio sailburuari: “Alkateekin argazkia atera nahi duenean ipintzen duen arreta bera jar diezaiela gure eskari eta salaketei”.
