Bestalde, udalak nabarmendu du Astolako zelaia funtsezko azpiegitura dela Abadiñoko kirol jarduerarako, herriko hainbat taldek erabiltzen dute-eta urte osoan zehar. "Egunero kirolari askok erabiltzen duten instalazioa da, emakumezkoen zein gizonezkoen taldeek. Beharrezkoa zen belarra berriztea, taldeek baldintza egokiak izan ditzaten entrenatzeko eta lehiatzeko. Inbertsio honegaz, Astolako futbol zelaiaren kalitatea eta datozen urteetako erabilera bermatzen ditugu", azaldu dute udal ordezkariek.
Eta gaineratu dute futbol zelaian egindako inbertsioa ez dela Astolan azken urteotan gauzatutako jarduketa bakarra: "Legegintzaldi hasieratik kirol gunearen eta inguruko espazioen hobekuntza progresiboa bultzatu dugu, instalazioak erabiltzaileen eta herriko kirol elkarteen beharrizanetara egokitzeko".