Abadiñoko Ganbarru txirrindulari elkarteak antolatzen duen Ganbarru zikloturista martxak hirugarren aldia beteko du irailaren 26an. Aurtengoan gainera ibilbide eraberritua izango du. Aurten ere ibilbide bi egongo dira aukeran. Biak 08:30ean hasiko dira, Zelaietan.
Ibilbide luzeak 105 kilometro ditu, eta 2.050 metroko desnibela. Ibilbidean zehar Miota, Ixua , Aixola, Kanpazar, Axpe Goiuria eta Larringan igo beharko dituzte. Ibilbide laburragoak 81 kilometro eta 1.500 metroko desnibela ditu. Ibilbide honetan, parte hartzaileek Miota, Ixua, Aixola, Kanpazar eta Axpe igaro beharko dituzte.