Jarduera plana Abadiñoko egoeraren azterketa zehatz batetik abiatu da. Azterketa horretan, herritarrak zelan bizi diren, zeintzuk beharrizan dituzten, egoera soziala zelan dagoen eta egoera ekonomikoa zein den aztertu dute, besteak beste.
Bestalde, proposaturiko eredua ideia nagusi baten inguruan egituratzen dela nabarmendu dute. "Zainketak hurbiltasunetik garatzea, pertsonen ohiko ingurunean, sare komunitarioak indartuz eta zerbitzu publikoen, herritarren eta auzokideen arteko lankidetza bultzatuz", esan dute udaleko kideek. "Gainera, eredu hau ez da dokumentu bat bakarrik, Abadiño ulertzeko modu bat ere bada, denon artean zaintzen, laguntzen eta eraikitzen den herri bat", gaineratu dute udaleko kideek.
Hori horrela, ekainaren 9an 18:00etan Errota Kultur Etxean egingo duten bilerara joateko deia egin diete herritarrei. Dokumentua azaldu eta ekarpenak jasoko dituzte bertan. Bilera horretan Auzosare ereduaren proba pilotua martxan ipiniko dela ere jakinarazi dute. Bakardade egoeran bizi gura ez duten pertsonen egoera garaiz detektatzeko ekimena da Auzosare.