Lan horri eskerrak, goiko argazkia lako harribitxiak lortu dituzte. Irudian naziak ikusten dira Gerediaga auzoan, Orue baserriaren ondoan. Liburuak Teresa Bengoaren eta Mari Paz Elorriagaren arteko solasaldia jasotzen du, militar arrotzak berbagai zituztela. "Akordetan haz alemanak sartu ziela gurien [Gerediagan], etxe ganien? Eta zelako tankiek euki abiezan", gogoratzen du Bengoak. "Bai. Horregaz akordetan non. Gerixako baso guztidxe zera dxauenan… alemanakaz", erantzuten dio Elorriagak.
Pontxioneko Jose Marik ere gogoan du aitak aipatu ziola alemanak egon zirela herrian. Soldadu naziek elizpean prestatzen zuten "arrantxoa" eta militar galoidunek eliza ondoko abadetxean hartu zuten ostatu.
Josu Munitxak ere baditu berbagai alemanak, bere amaginarreba Miren Azkorbebeitiaren lekukotza gogoratuta. "Eurentzat [alemanentzat] kafie egin biher zan eskatzien. Sartzen zien jaun eta jabe zien moduen", dio Munitxak.