Gerediaga elkarteak 1936ko altxamendu faxistak eta ondorengo gerrak Abadiñon izandako eraginak ikertu ditu, Abadiñoko Udalak babestutako egitasmoan, eta, ikerketan parte hartu duen talde zabalaren ekarpenak aintzat hartuta, Jesus Mari Arruabarrena abadiñarrak 1936ko gerraren oihartzuna. Abadiñarren testigantzak liburua idatzi du.
Liburua hainbat ataletan banatuta dago. Jesus Mari Arruabarrenak idatziriko kontakizuna gerraurreko testuinguruan hasten da, Abadiñoko egoera soziopolitikoan kokatuta; gerrako pasarteak eta gaiak ere jorratzen dira. Horrez gainera, Jimi Jimenez historialariak gerragaz zerikusia izan zuten abadiñarren zerrendak osatu ditu; liburuko azken atalean ageri dira.
Bestalde, Mila Salterainen eta Luis Berrizbeitiaren hitzaurre batek zabaltzen du 1936ko gerraren oihartzuna. Abadiñarren testigantzak liburua.