Goizean, talde bitan banatuta, txistulariek kalejira bana egin dute Traña-Matiena eta Zelaieta auzoetan. Gero, azken entseguaren ondoren, kontzertua eman dute Zelaietako probalekuan, Eleder Iturrieta txistulari durangarraren zuzendaritzapean. 70 bat musikari elkartu dira guztira: Durangaldeko txistulariak, Abadiñoko abesbatza, Zornotzako Udaberri taldeko gaiteroak, Iñaki Leibar trikitilaria, Alex Agirrebeitia pianista, Bartolome Ertzilla musika eskolako txistulariak, metal seikotea eta Abadiñoko Talde Batuak taldeko dantzariak.
Kontzertuan bertan Iñaki Imaz eta Josu Arkarazo txistulari abadiñar beteranoak omendu dituzte, euren txistulari ibilbide luze eta opariagaitik eskerrak emateko.
Kontzertuaren ondoren, ohikoa duten moduan, herriko txistularietariko bik erregelak dantzatu dituzte; Mikel Azkarragak aurreskua eta Miriam Uriak atzeskua.
Hirurak aldera denek elkarregaz bazkaldu dute probalekuan.
Dagoeneko Jaizale txistulari elkartea hasi da datorren urteko ekitaldia prestatzen. Behintzat zein herritan egin pentsatzen.
