Asteon egindako osoko bilkuran Abadiñoko Udalak udalekuetan eta ludotekan asteka izena emateko aukera onartu du, baita hauek lau astera luzatzea ere. Udaletik jakitera eman dutenez, berritasun hau herritarren eskarietako bat da. Hori horrela, herrian erroldatutako haurrek asteka izena emateko aukera izango dute.
Udaletik jakitera eman dutenez, zerbitzu hau interes publikokoa da, eta udako oporretan, heziketarako eta aisialdirako gune bat eskaintzea du helburu.
Horrez gain, zerbitzu honek familien kontziliazioa ere erraztu gura duela azaldu dute. "Gainera, konpromisoa hartzen dugu prezioa familientzat oztopoa ez izateko. Bide horretan, iaz onartutako hobariak eskatu ahal izango dituzte herritarrek", azaldu dute prentsa oharrean.
Bukatzeko, eta zerbitzuaren iraunkortasuna bermatzeko, Euskara eta Hezkuntza Batzordeak prezioak eguneratzeko beharra ikusi duela azaldu dute, KPIaren igoerara egokituta.
| KONTZEPTUA | ASTEKO PREZIOA |
| Ume baten izen-ematea | 32€ |
| Bigarren umearen izen-ematea | 22,5€ |
| Familia ugarien kasuan, lehenengo izen-ematea | 18€ |
| Familia ugarien kasuan, bigarren izen-ematea | 16€ |
| Familia ugarien kasuan, hirugarren izen-ematea | 11€ |
| Familia ugarien kasuan, laugarren izen-ematetik aurrera | 0€ |