Herritarren ongizate integrala indartzen jarraitzeko asmoz, Abadiñoko Udalak zaintzarako hainbat udal ekimen ipini du martxan. Hori horrela, eta osasuna ikuspegi zabal batetik ulertzeko, erraztasuna eskaini gura dute osasun mentala, jarduera fisikoa, sozializazioa eta kulturarako sarbidea izateko. Bide horretan, udalak psikobonuen eta gizarte bonuen eskaria egiteko deialdia zabaldu du.
Udalak azaldu duenez, psikobonuen programaren bitartez terapiako sarbidea erraztu gura diete herritarrei, oztopo ekonomikorik bako laguntza eskainiz eta gehien behar duten kolektiboak lehenetsiz.
Bestalde, gizarte bonuek urteko laguntza izateko aukera ematen diete egoera zaurgarrian dauden herritarrei; besteak beste, igerilekuko eta kultur ekitaldietako zerbitzuak erabili ahal izateko.