Abadiñoko pilota txapelketa herrikoia azken fasean sartu da. Iazko urrian hasitako lehiaketak finalaurrekoak jokatuko ditu domeka honetan, eta final handiak urtarrilaren 31n, San Blas jaien bueltan, izango dira.
Domekan, 16:30ean, lehenengo eta bigarren mailako bina partidu jokatuko dira Zelaietako pilotalekuan. Hauek dira neurketak:
- Soloko–Okarantza / Amiano–Zarrabeitia (bigarren maila)
- Unai–Arrieta / Arabiourrutia–Izagirre (lehen maila)
- Urizar–Mendiolagarai / Txiri–Josu (bigarren maila)
- Arana–Urrutia / Rober–Amutxas (lehen maila)
Bigarren mailan, guztira, 12 bikotek parte hartu dute, eta lehen mailan 8 bikotek. Atxtxiki Pilota Klubak antolatzen duen txapelketak herritarren artean interesa piztu du eta Zelaietako pilotalekuan giro beroa sortzen da partiduak bertatik bertara jarraitzeko.