Abadiñoko Udalak Mendiola auzoko errepidea konpontzeko lanak hasi ditu. Alfredo Baeschlin eta Atxa-Txiki arteko bidea konponduko da, hain zuzen ere. Udaletik jakitera eman dutenez, "azken urteotan hainbat luizi gertatu dira puntu berean, eta, arazoari behin-betiko irtenbidea ematea da obraren helburua".
Bestalde, udaletik jakitera eman dute errepidea ibaiertzetik aldendu eta etorkizunean gerta daitezkeen luiziak ekiditeko, udala inguruko lur-saileen jabeekin harremanetan egon dela. Helburua lur horien erabilgarritasuna eskuratu da.
"Obra hau aurrerapauso handia da. Mendiola auzoko segurtasuna bermatzea eta arazoari behin-betiko irtenbidea ematea da gure lehentasuna", adierazi dute oharrean udal gobernuko kideek.