Alfonso Garcia eskalatzaileak 17 urte baino gehiago daramatza Atxarten eskalatzen, eta Atxarteko inauterien istorioa dokumental batean jaso gura izan du. "Atxartekoa erritual bat da, ekitaldi bat baino gehiago, hainbat belaunalditako eskalatzaileak adiskidetasunaren, osasunaren eta bizipozaren inguruan batzen dituena", azaldu du dokumentaleko zuzendariak. Dokumentalean, mendi espiritua eta bertako tradizioak jasotzen direla ere azpimarratu du.
Garciak Bilboko Mendi Film jaialdian aurkeztu zuen Un día al año dokumentala, eta hemendik aurrera mendi, abentura eta naturaren inguruko festibaletan ematea du helburu, baita mendi asteetan eta tokiko jaialdietan ere.