Hamaika kirolarirekin joan ziren Abadiñoko gimnasiokoak Gasteizko txapelketara, eta bertatik zaku bete dominarekin itzuli ziren. BSG Matienako borrokalariek 10 domina eskuratu zituzten: urrezko lau, zilarrezko bost eta brontzezko bat. Guztien artetik distira bereziena egin zutenak Aimar Aiartzaguena eta Aimar Ardanza izan ziren, bakoitzak bina urre irabazi zituen.