Guztira, zortzi taldek eskainiko dituzte emanaldiak. Jaialdia Moonshinerds durangarren zuzenekoarekin hasiko da, eta ostean The Electric Alley taldeak eskainiko du kontzertua. Bazkaltzeko tartearen ostean, Asgarth, Ehun Kilo, Before the dawn, Onslaught, Wolfheart eta Eclipse taldeek eskainiko dute kontzertua. Azken orduko sorpresa bat egongo dela ere iragarri dute, izan ere, metal zaleenen gozamenerako, bertsioak joko dituen talde batek itxiko du festa.
Sarrerak www.koba-live.com webgunean salgai daudela gogoratu dute, gainera.