Abadiñoko Udalak N634 errrepideko zubiaren egoera pertsonentzako arriskutsua zela ondorioztatuta, urtarrilean zubiaren jabea den Bizkaiko Foru Aldundiari konponketak hasteko eskatu ziola jakitera eman zion. Martxoan Aldundiaren erantzuna jaso zutela esan dute, eta ekainean hasiko zirela esan zietela. "Baina uztaila amaitzen ari den honetan eta abuztuaren 2an Gerediagako San Salbadore jaiak gainean ditugularik, obrak hasi gabe daude oraindik" kritikatu dute.
Hori horrela, udalak N634 errepideko zubia ixteko erabakia hartu du. "Lehentasuna herritarren segurtasuna bermatzea da, jakinik herritarrentzat erabaki honek eragozpenak sortuko dituela", azaldu dute.