Ziklomotorreko (AM), motozikletako (A1 eta A2) eta autoko (B) gidabaimena euskaraz ateratzen dutenek jaso ahal izango dute laguntza. Eskaerak egiteko epea oraindino zabaldu barik dagoen arren, urrian zabalduko da eta eskaerok Herritarren Arretako Zentroan egin beharko dira. 2025eko urtarriletik aurrera gidabaimena euskaraz ateratzen dabiltzan gazte guztiek eskatu ahalko dute laguntza.
Ekimen honen bitartez, Abadiñoko Udalak euskara normalizatzea lortu gura du, Naiara Bildosola Hezkuntza eta Euskara zinegotziak nabarmendu duenez: "Euskarak eta euskaldunok euskaraz bizitzeko ditugun traba eta jazarpen guztiak kontuan hartuta, pozgarria da udal talde guztion oniritziagaz diru laguntza honen oinarriak onartzea. Zalantzarik barik, aurrerapauso garrantzitsua da Euskara Sustatzeko Ekintza Planaren ardatz estrategikoan".