Azken urteotan Abadiñoko Institutuak apustu sendoa egin du ikasleen zainketa emozionalean. Esaterako, orain urte batzuetatik hona, Abadiñoko Udalaren laguntzari eskerrak, eskola-orduetatik kanpora psikologo baten zerbitzua eskaintzen diete, doan, beharra duten ikasleei.
Orain beste pauso bat eman dute zainketa emozionalaren prozesuan, eta Hezkuntza Sailak bultzaturiko ZIUR programaren barruan daude, beste 40 ikastetxegaz batera; tartean, Elorrioko Txintxirri Ikastolagaz. Abadiño BHIko zuzendariak azaldu duenez, proiektu honen helburua ideia eta jokabide suiziden prebentzioa lortzea da. Programak lau ikasturteko iraupena du eta 12tik 16 urtera bitarteko gazteak ditu oinarri.