Asteburuan umeen kategoriako Bizkaiko Xake Txapelketak jokatu dituzte Santurtzin. Abadiño Xake Taldea txapeldun geratu da benjaminetan. Amets Uranga, Anrui Ye, Liher Beaskoetxea eta Mouad Ademi dira balentria lortu duten xakelari gazteak. Jokatutako sei partidatan ez dute bat bera galdu: bost garaipen eta berdinketa bat. Zabalarra ikastetxea zazpigarren geratu da, Zornotza 11.tokian eta Kurutziaga 18. lekuan.
Bestalde, Elorrio Xake Eskola hirugarren geratu da haur-kategorian. Emaitza horrekin, Bizkaiko Kirol Jokoen finalerako sailkatu da. Txapelketa hori maiatzaren 11n jokatuko da, Getxon. Iaz azpitxapeldun izan ziren Sestaoren atzetik.