Aranzadi Zientzia Elkartea eta Euskal Prospekzio Taldea ikerketa lanak egiten dabiltza Saibigainen. 1937ko apirilean gerra-zelai latza izan zen mendia, eta ordutik hona 88 urte igaro diren arren, tarteka-tarteka, han borrokatu zirenen aztarnek irteten dute argitara, oraindik ere. Hori guztia azaltzeko asmoz, Gerediaga elkarteak bisita gidatua antolatu zuen domekan, ikerketa taldekoekin.