Gerediaga Elkartea, Abadiñoko Udalaren babesagaz, 1936ko uztailaren 18ko altxamendu militarrak eta ondoriozko gerrak Abadiñon sortutako eraginak aztertzen dabil. Gerediagatik azaldu dutenez, orain arte, bilketa lana egin dute, ezagunen lekukotzak jaso eta artxiboetako dokumentuak identifikatzen.
Orain, bilketa lan hori amaitzeko, gerrarekin edo gerra ostearekin lotutako informazioa duten herritarrei beraien ekarpena egiteko deia egin diete. "Argazkiak, familiakoen bizipenak, oroigarriak... mota askotako informazioa izan daiteke baliagarria", azaldu dute.
Informazio bilketarako lau hitzordu zehaztu dituzte:
- Martxoaren 26an (16:00-20:00) Txanporta Kultur Etxean
- Martxoaren 28an (10:00-14:00) Txanporta Kultur Etxean
- Apirilaren 4an (16:00 - 20:00) Errota Kultur Etxean
- Apirilaren 5ean (10:00 - 14:00) Errota Kultur Etxean