Bigarren urtez gabonetako erakusleiho lehiaketa antolatu dute Abadiñon

Anboto 2024ko aza. 27a, 10:06
Deskargatu Info Ahotsak :

Enxembre iazko parte hartzaileetako bat da.

Abadiñoko Merkatari Elkarteak, Abadiñoko Udalaren laguntzarekin, Gabonetako erakusleihoen lehiaketa antolatu du bigarren urtez jarraian. Udaletik jakitera eman dutenez, erakusleihoak abenduaren 9tik 23ra apainduta egon beharko dira, gutxienez.

Parte hartzeko ezinbestekoa izango da izena ematea amelkartea@gmail.com helbidera idatzita edo 747 495 427 zenbakira whatsapp bat idatzita. Azaroaren 28ra bitartean egin beharko da. 

Sariak honela banatuko dira: 

  • 500 euroko lehen saria, erosketa-baleetan, erakusleiho bozkatuenarentzat
  • Bigarren saria 350 eurokoa izango da, bigarren erakusleiho bozkatuenarentzat erosketa-baleetan
  • Bozketan parte hartzen duten pertsona guztien artean 350 euro zozketatuko dira erosketa-baleetan. 
Gizartea Abadiño
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!