Garapen Jasangarrirako Helburuen barruan (GJH) kokatutako prozesua da, herriaren etorkizuna irudikatzeko helburua duena. Herritarren parte-hartzea funtsezkoa denez, inkesta bat betetzea eskatu die udalak, udalerriaren erronka nagusiak identifikatzen eta lehentasunak zehazten lagundu dezaten.
Inkesta hemen bete daiteke eta herritarrek dituzten kezkak adierazteko balioko du. Horrez gain, saio bat antolatu dute urtarrilaren 24an, Errota Kultur Etxean, 18:30etik 20:00etara, biztanleek etorkizuneko Abadiño irudikatzeko. Mikel Urrutiak, herriko alkateak, azaldu du, "gura dugun herria, gura dugun udalerri jasangarria eta bizi-kalitatea guztion artean definitu behar dugun proiektua da, eta, horregatik da hain garrantzitsua herritarren parte-hartzea, eta horregatik laguntza eskatu gura dizuegu".