[EGITARAUA]: Hitzaldiak eta arte eszenikoak Abadiñon, azaroaren 25aren baitan

Anboto 2023ko aza. 8a, 13:07
Deskargatu Info Ahotsak :

Abadiñoko Udalak bat egingo du Abadiñoko Mugimendu Feministak Azaroaren 25erako deitutako mobilizazioarekin. 

Emakumeenganako indarkeriaren aurkako Nazioarteko Egunaren baitan, Abadiñoko Udaleko Berdintasun eta Aniztasun Arloak hitzaldiak eta arte eszeniko garaikideak biltzen dituen jarduera-programa diseinatu du azararorako. Eta herritarrei parte hartzeko deia egin diete. 

"Konprometituta gaude eta egunero egiten dugu lan, esparru guztietan, indarkeria hori desagerrarazteko eta indarkeria matxistarik gabeko bizitzak lortzeko. Eguneroko borroka da, baina egun horretan, Emakumeenganako Indarkeriaren aurkako Nazioarteko Egunean, gehiago ikusten da. Aurtengo programazioaren bidez, hausnarketarako eta sareak sortzeko espazioak sortu gura izan ditugu, emakumeen aurkako indarkeria matxistaren adierazpen desberdinetan sakonduz eta horren izaera estrukturala, kulturala eta ekonomikoa azpimarratu" azaldu du Naiara Bildosola berdintasun eta aniztasun zinegotziak. 

EGITARAUA

AZAROAK 15

18:00 '¿La fiesta era esto? Si, la fiesta era esto' (Nerea Barjola) Errota Kultur Etxean

AZAROAK 17

20:30 'Loa loa, laguna' (Maider Lasa Santamaria) Errota Kultur Etxean

AZAROAK 24

18:00 Kale-ikuskizuna: 'Biolentzia matxisten aurkako 24 orduko konponketak' (Las Kapritxosas) Pino plazan

AZAROAK 25

Emakumeenganako Indarkeriaren Aurkako Nazioarteko Eguna. Mobilizazioa

ABENDUAK 1

19:00 Antzezlana 'Emckumeak' (Zelako Kultur Ideiak) Errota Kultur Etxean

Gizartea Abadiño
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!