Pastelak ikusten ditugu hemen. Zer dela eta? Zer daukazue ospatzeko?
Mikel Petite: Gaur gaueko Euromilioieko zozketan milioi bat euro egokitu dira Petite liburudendan.
Nori tokatu zaion edo badakizue?
M.P.: Hemen, Petiten lagunarte bat daukagu. 87 pertsonak osatutako lagunartea eta denei tokatu zaie. Bakoitzari 10.000 euro inguru.
Maribi Irazola: Eh! Zer diozue baina? Ba ni ere lagunarte horretan sartuta nago!
Hara! Ba orduan zuri ere tokatuko zitzaizun saria!
M.I.: Ba bai itxura danez, bai. [Mikel Petiterengana zuzenduta] Gaur goizean zure aitak (Martin Petitek) mezu bat bidali dit, baina txantxa bat zela pentsatu dut. Inoiz ez baita ezer tokatzen.
Eta nola zaude? Zelan hartu duzu berria?
M.I.: Ba nik zer dakit! Ez nekien ezer.! Ai ama, ezin dut sinistu!
Mikel, zer gertatzen da zuen denda honetan. Bolada luzea daramazue sariak banatzen eta banatzen.
M.P.: Eta segida dezala bolada on honek. Horrelako poztasunek laguntzen dute eta aurrera egiten.
Mikel Petitek eguna alaitu die bere dendara sarturiko hainbat auzotarri. Askok ez dute saria egokitu zaienik jakin.