Abadiñoko Udalak Zelaietako mugikortasuna hobetzeko, herritarrek parte hartzea bultzatuko du. Horretarako parte hartze prozesu bat jarri dute abian. Lehenengo pausoa, eguenean, urriak 19, 18:30ean, Txanporta Kultur Etxean bilera ireki bat egitea izango da.
"Auzoaren segurtasuna, irisgarritasuna eta bizitasuna hobetuko dituzten proposamenak herritarrekin batera adostea eta lantzea da helburua", azaldu du Mikel Urrutia alkateak.