Tourra Durangaldean

[IBILBIDEA]: Tourra Traña-Matienako Zubibitarte eta Laubideta kaleetatik pasako da

Anboto 2023ko eka. 26a, 12:15

Uztailaren 3an Tourreko hirugarren etapa Zornotzan hasi eta Baionan amaituko da. Baionara bidean Durangaldeko hainbat herritatik pasako dira txirrindulariak, tartean Traña-Matienatik (Abadiño). 

Aurreikuspenen arabera, lasterketa 13:25 aldera pasako da Traña-Matienatik. Lasterketa Arzubiatik sartu, Zubibitarte eta Laubideta kaleetatik igaro eta Hostal San Blaseko biribilgunetik Trabakuko mendaterantz joango da. 

Lasterketa baino bi ordu lehenago lasterketa aurretik joaten den publizitate karabana pasako da txirrindulariek egingo duten ibilbidetik. 

Abadiñoko Udaletik jakitera eman dute, Tourrak trafikoan eragina izango duela eta 9:00etatik 14:00etara errepidea moztuta egongo dela. Gainera, Zubitarte eta Laubideta kaleko aparkalekuak uztailaren 1erako, 14:00ak, libre egon beharko direla. 

Kirola Abadiño
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!