Segurtasun Sailak eta suhiltzaileek jakinarazi dute auto batek errepidetik irten duela eta erreka ondoko arbola baten kontra egin duela talka. Istripua arratsaldeko 16:00ak aldera gertatu da Abadiñoko Solokoa kalean. Suhiltzaileek adierazi dutenez, gidariak “ondoez bat” sentitu duela-eta irten du errepidetik. Gaineratu dutenez, “antza, arbolak ekidin du autoa errekara jaustea”.
Segurtasun Sailak jakinarazi du ibilgailua garabi batekin atera dutela errepide ondotik. Gidaria Galdakaoko ospitalera eraman dute.