Abadiñoko Udalak gaur irekiko du 3 eta 12 urte bitarteko umeentzako udako jardueretan izena emateko epea. Ludoteka eta Herri Udalekua programak dira, hain zuzen ere, eta hurrengo maiatzaren 19ra arte eman ahal izango da izena.
Ludotekaren jarduera Haur Hezkuntzako umeei (HH2 - HH5) dago zuzenduta eta Zelaieta Eskolan egingo da, 9:30etatik 13:30era, ekainaren 26tik uztailaren 14ra. Herri udalekuak programa, berriz, Lehen Hezkuntzako umeei (1 .mailatik 6. mailara) dago zuzenduta, eta jarduerak egun eta ordutegi berberetan egingo dira Traña-Matienako Eskolan.
Bestalde, kontziliazioa errazteko asmoz, hala behar duten familiek doan eskuratu ahal izango dute haurtzaindegi-zerbitzua.