Joan zen asteburuan adimen desgaitasunen bat dutenen Espainiako atletismo txapelketa lehiatu zuten Jerezen (Andaluzia, Espainia). Hantxe aritu zen Uxue Ortiz Ortuzar 15 urteko abadiñarra eta sekulako maila erakutsi zuen. Txapeldun geratu zen 100 eta 200 metrotan, T21 kategorian.
Urteetan egindako lanaren fruitua jasotzen hasi da Abadiñoko atleta gaztea. Bidezabal klubean eman zituen bere lehenengo urratsak atletismoan. Ondoren, Javi Conderen atletismo klubean hasi zen, Basaurin, eta gaur egun han dihardu.
