Durangaldeko Mankomunitateak mendekotasun-arriskuan dauden adinekoentzako eguneko arreta zerbitzu pilotua jarriko du martxan maiatzean, Abadiñon. Hasiera batean zerbitzu hau maiatzetik azararora egongo da martxan, astean lau eguenez. Astelehenetik eguenera 10:30etatik 13:30era, San Trokaz Elkartearen lokalean.
Programa honen bidez, erabiltzaile bakoitzari arreta zehatza emango zaio, jarduera zehatzekin. Hau da, ezaugarri espezifikoekin bakoitzaren autonomia-maila hobetzen edo mantentzen lagunduko da, besteak beste.
Proiektu honen berri emateko, Mireia Elkoroiribe Durangaldeko Mankomunitateko presidentea, Mikel Garaizabal Abadiñoko alkatea eta Javi Crespo alkateordea, Abadiño Lagunkoiako arduradunekin bildu dira gaur goiziean.