Abadiñoko Udalak 2022an herrian etxebizitzak alokatzeko gazteek hilero jaso ditzaketen 250 euro arteko laguntzak eskatzeko epea ireki du. Gazteek dagoneko eskatu dezakete diru-laguntza, apirilaren 4ra bitartean. Eskaerak udalaren webgunearen bidez, zein aurrez aurre eskatu daitezke Zelaieta eta Matienako bulegoetan.
Laguntzak zehazki, 18 eta 35 urte bitarteko gazteentzat izango dira, eta etxebizitzaren hileko alokairuaren %50eraino ordainduko dute, gehienez 250 euro bizikidetza-unitate bakoitzeko. Bestalde, udaletik jakitera eman dute gazte eskatzaileen urteko diru-sarrera gordinak 35.000 eurotik gorakoak ezingo direla izan, edo okupatzaile bakar baten kasuan, 21.000 eurotik gorakoak.
Horrez gain, jakitera eman dute diru-laguntza hau jaso ahal izateko, etxebizitza bizi den bizikidetza-unitateko kide batek gutxienez Abadiñon erroldatuta egon beharko duela azken bost urteetan.