Abadiñoko Udalak 50 metro luze eta 4,5 metro altu den horma-irudia eskainiko dio herriko sokatira taldeari. Horma-irudi horrekin udalak Astola auzoko pasabideari bizia eman gura dio. "Hiri-paisaian sokatirako, Abadiñon errotuta dagoen kiroleko, talde misto baten irudia txertatuko dugu. Seguruenik, udalerriko erreferentzia-puntu berri bat izango da", azaldu du Mikel Garaizabal alkateak.
Murala egiten dagoeneko hasi dira eta zenbait egun beharko dituzte berau egiten.