Banarte Antzerki Taldeak antzerki tailerren XIII. edizioa abiatu zuen joan zen urrian. Orain, ikasturte amaiera ate-joka dabilen honetan, ikasleek urte osoan landutakoa taularatuko dute. Bariku honetan Juicios sin prejuicios obra eskainiko dute Berrizko Kultur Etxean. Emanaldia 19:00etan izango da. Lan taldea Durangaldeko hainbat herritako kideez osatuta dago. Zuzendari lanetan dagoena Mikel Areitiaurtena ermuarra da.
Juicios sin prejuicios obra Ricardo Combiren lan batean dago oinarrituta. Justiziak epaiak ematerakoan egiten dituen bereizkeriak ditu ardatz. Hau da, obrak zalantzan ipintzen du legearen aurrean denok berdinak garen ustea. Koadro bitan epaiketa bi irudikatzen dira eta zalantzan ipintzen da legearen aplikazioa.