Atzo goizean Ertzaintzari jakitera eman zioten lapurretan ari zirela Abadiñoko obra batzuetan. Lekura agertu ziren patruilek ingurua miatu zuten, eta ihesi zihoan ibilgailu bat ikusi zuten.
Ertzaintzak ohar batean azaldu duenez, ihesi zihoan kamioiak eraikuntzako metalezko materiala zeraman, 1.000 inguru, 36.000 euroko balioarekin, inguruko obra batzuetatik hartua. Ikerketan Ertzaintzako baliabideek egiaztatu ahal izan zuten ihesi zihoan ibilgailutik zerbait bota zutela; gero jakin ahal izan zutenez zizaila bat zen, obretako sarrerako ateetako bat behartzeko erabili zutena.
Horren aurrean, bi pertsona indarra erabiliz lapurreta egiteagatik atxilotu eta polizia-egoitzara eraman zituzten zegozkion polizia-eginbideak hasteko.
Atxilotuek era horretako delituengatik aurrekariak dituzte eta Durangoko Guardiako Epaitegiaren eskuetan jarri dituzte.