"Zelaietako mugikortasuna: parte hartzea iruzur bat izan da. Erabakia aldez aurretik hartuta zeukaten"

Abadiñoko EH Bilduk prentsa ohar bidez salatu duenez, Zelaietako mugikortasunaren inguruan gorbernu taldeak egindako batzordea eta "parte hartzea" iruzur bat izan dira.

"Maiatzaren 3an hirigintza batzorderako deialdia genuen, Zelaietako mugikortasunaren berrantolaketaren gainean eman beharreko urratsak lantzeko. Baina behin betiko erabakia aldez aurretik hartuta zeukaten, izan ere, aurreko egunean, Iturritxoko kalean heziak jarri eta bileraren aurretik lurra margozten hasi ziren. Hori guztia, auzotarrei inolako bando ez abisurik eman gabe", azaldu dute EH Bildutik. 

Horrez gain, herritarrek egindako proposamen "bat bera ere ez" dutela kontuan hartu salatu dute. "Guretzat oso larria da, egunerokotasunean Zelaietatik mugitzen diren herritarren iritzia kontuan hartu gabe, udal gobernuak aldebakarrez era honetako neurriak hartzea, eta aldi berean parte hartzea egon delako itxurakeria egitea. Iruzur bat izan da eta herritarron haserrea nabaria da", jarraitu dute. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!