Gartzen Elejabarrietak sasoian ekin dio mendiko eski denboraldiari

Gartzen Elejabarrieta erdian, Aragoiko txapelketari dagokion podiumaren gorenean.

Gartzen Elejabarrietak (Abadiño, 1996) sasoian ekin dio mendiko eski denboraldiari. Atzo, bigarren tokian amaitu zuen Cerler-eko kronoeskalada, Diego de la Peña madrildarraren atzetik. Aragoiko txapelketari dagokion sailkapenean, berriz, bera izan zen irabazlea. Izan ere, Elejabarrieta Aragoin bizi da gaur egun, Huescako Panticosa herrian, hain zuzen, eta bertako txapelketan parte hartzen du Panticosa eski klubarekin.

Atzo egindako lanagaz gustura dago abadiñarra. "Denboraldiko lehenengo lasterketa zen eta sekula ez dakizu gorputzak zelan erantzungo duen. Oso pozik nago egindako lanagaz", adierazi du.

Datorren asteburuan Espainiako Kopako lasterketa bat hartuko du Panticosa herriak eta bertan parte hartzeko asmoa du.

Gartzen Elejabarrieta atzoko proban.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.