Asier Aspuruk ezin izan du aurrera egin Superprestige txapelketan

Aspuru atzoko partiduko une batean.

Pllotari abadiñarrak bere ibilbidean lehenengoz jokatu zuen atzo trinketeko txapelketarik garrantzitsuenean.

Egun handia izan zen atzo Asier Aspururentzat. Trinketean ez da Superprestige baino txapelketa inportanteagorik eta abadiñarrak gonbidapena eskuratu zuen han jokatzeko. Atzo Eñaut Echeverria makearraren (Lapurdi) kontra jokatu zuen Donibane Garaziko trinketean. Partidu erdira arte pare-parean joan ziren (21-21). Aspuruk partidua hausteko aukera izan zuen une horretan, baina eskuko arazoek eta asmatzea ezak partidua Echeverriak apurtzea ekarri zuen. Azkenean 29-40 galdu zuen Aspuruk. Ondorioz txapelketatik kanpora geratu da. "Eskuin eskua minduta jokatzearen pena geratu zait, baina esperientzia oso berezia izan da", adierazi du Atxarte pilota klubeko pilotariak.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.