Abadiñoko Udalak landa eremuko emakumeentzako gunea jarri du martxan

Anboto 2021ko urr. 15a, 10:29

Abadiñoko Jabekuntza Eskolen ikasturte honetarako berrikuntza bat da landa eremuko emakumeentzako gunea. Horrez gainera, hiru topaketa antolatu dituzte: urriaren 20an, azaroaren 3an eta 17an, Txanporta kultur etxean. Programaturiko hiru saioak Leire Milikua arkitekto abadiñarrak dinamizatuko ditu. 

"Beste pauso bat eman gura dugu. Orain, gure nahia topaketarako eta harremanetarako gune jarraitua eta egonkorra sortzea da, baina jakin gura dugu ea emakumeek gura dutena den, edo haien beharrak beste alde batetik doazen. Ziur topaketa hauek oso aberasgarriak izango direla eta gauza interesgarriak egiten jarraitzeko gai izango garela", azaldu du Rosa Miguel Perez Berdintasun eta aniztasun zinegotziak. 

Hain zuzen ere, urriaren 15ean Landa Eremuko Emakumeen Nazioarteko eguna ospatuko dela adierazi du Abadiñoko Udalak. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!