EH Bilduren arabera, Abadiñoko Udalak "erabilera publikoko gune berde bat" egiteko asmoa du, eta ondorioz, Tornosolo inguruko ortuetako lurrak "berreskuratu" gura ditu. "Herri lurrak izanik, ulertzen dugu erregulazioren bat behar dutela eta helburu horrekin urte desberdinetako aurrekontuetan proposamenak egin ditugu Abadiñon herri ortuak izateko", azaldu dute ohar baten bidez.
"Batez ere nagusiek erabiltzen dituzte lur horiek, eta familia batzuentzako elikagaiak emateaz gainera, kontutan izan behar dugu lur horiek funtzio ugari betetzen dituztela".
Iraileko osoko bilkuran proposamena aurkeztu zuen EH Bilduk, baina EAJk eta AIk aurka bozkatu zuten.