Mendiolako Jai Batzordeak San Kristobal jaiei begirako ekitaldi sorta antolatu du, eta horren baitan programatu du kantari azkoitiarraren emanaldia. Anariren kontzertua uztailaren 10ean izango da, arratsaldeko 19:30etan. Bertara joan ahal izateko sarrera eskuratu beharko da aldez aurretik. Txartelak Zelaietako Abarketeruena tabernan eskuratu ahalko dira.
Gainerakoan, honako ekitaldi hauek egongo dira Mendiolako jaietan:
UZTAILAK 9
- 20:00etan Luntxa
- 21:30etan, bertso saioa: Amets Arzallus, Erika Lagoma, Iruri Altzerreka eta Txaber Altube. Gai-jartzailea: Ainhoa Urien.
UZTAILAK 10
- 12:00etan bolo eta ugasixo txapelketak. Ondoren, ardoa, ogia eta gazta banatuko dute. Errifen zozketa egingo da.
- 19:30etan Anariren kontzertua.