Sekulebedarra kirol klubak lasterketa berri bat antolatu du domekarako: Gazteluko maratoi erdia, Abadiñoko izen bereko auzoaren inguruan. Proba Zelaietako trinkete parean hasiko da, 10:00etan. Handik Gaztelura joan eta auzoko muga ondoetatik ibiliko dira berriro Zelaietara bueltatu aurretik. 1.200 metroko desnibel positiboa du. 110 korrikalarik parte hartuko dute, espezialitateko onenek, Euskadiko txapeldunak erabakiko dira eta.