Lanek bi kilometroko tarteari eragingo diote, eta batez ere, oinezkoentzako onurak ekarriko dituzte Abadiñoko Udalaren arabera: espaloiak zabaldu, zebrabide berriak egin eta argiztapen berria ezarriko dira, besteak beste. Trazadura guztia berrituko da, bide batez.
Lanak 2021 hasieran hasiko direla aurreikusten du Abadiñoko Udalak, eta urtebetez luzatuko direla. Obrak finantzatzeko, Bizkaiko Foru Aldundiak 1,2 milioi euroko ekarpena egin du; gainontzekoa Abadiñoko Udalak ordainduko du.