"Pandemiak umeentzako aisialdia erabat baldintzatu duen honetan, udalekuen garrantzia gogoratu behar dugu, izan ere, horretarako formakuntza duten hezitzaileekin aritzeaz gain, euskara landu, eta herriaren ezagutza eta herrigintza sustatzen dute, besteak beste. Familia askorentzat ere umeen oporrak eta lana uztartzea errazten du. Abadiñoko Udalarentat erabat bideragarria da 186 plaza horiek bermatzea, iazko udalekuetan erabili gabeko dirua izateaz gain, soberakinean 4,6 milioi euro daudelako, hortaz, borondate politikoa besterik ez da behar", eskatu du EH Bilduk ohar baten bidez. Biharko osoko bilkuran proposamen bat zehaztuko du EH Bilduk.
Udalaren erantzuna
Abadiñoko udal gobernu taldeak, ostera, ohar bidez erantzun dio EH Bilduri. Bertan zehaztutakoaren arabera, eskaera egin duten ume guztientzako lekua bermatuko da. Horrez gainera, udalekuak 80.000 eurotan lizitatuko dituela adierazi dute "berme osoz eta familientzako segurtasun-baldintzetan egin daitezen".