Berez, elkarregaz helmugaratu ziren biak, eskutik helduta, baina irteeran minutu bat atzeragoko taldean irten zuen Dragomirrek, koronabirusari aurre egiteko protokoloa dela-eta, eta, beraz, bera izan zen garailea.
Azkorbebeitiak 2.46.29ko denboran egin zuen 28 kilometroko ibilbidea. Yuliia Tarasova korrikalari ukrainiarra sailkatu zen hirugarren.
Okerrik ezean, Japoniako Mt. Awa Skyrace izango da Azkorbebeitiaren hurrengo hitzordua, aste bi barru. Hantxe hasiko da 2021eko mendi lasterketen Skyrace World Series Munduko Kopa. Aurten, hamalau lasterketak osatzen dute kopa, eta euretariko bat Euskal Herrian izango da, Zeanurin, irailaren 26an: Gorbeia Suzien.